مهنة التصوير بجد احلى مهنة في الدنيا وبجد لو منكتش دخلت تجارة كنت بالتاكيد هدخل فنون جميلة عشان ادرس تصوير والتصوير مش لازم يبقي تصوير فوتوغرافي لا ده كمان التصوير الزيتى ليه نفس التاثير ويمكن الرسم مش لازم يبقي نقل للي بره او نقل للواقع حتى البورتريه لازم يدخل فيه خيال الرسام .

اللي بيغيظنى انه ياما تلاقي صورة مفيهاش اي زوق ولا خيال يا اما تلاقي لوحه عبارة عن شخابيط ويقلك ده اسمه فن انا بيتهيألي ان اللي راسم لوحة ختى مش بيبقي عارف معناها ايه .

لما كنا في الجامعة كنت مشتركة في معرض الفنون وده كان بيشترك فيه الكليات المتخصصه والكليات غير المتخصصه اللي زى حالاتى وبيعملوا معرض كل سنة في شهر 4 في مرة من المرات كنا بنتفرج على اللوحات اللي داخلة المعرض المهم واحد من الرسامين كان عمال يقول اللوحة دى بتدل على كذا والحته دى معناها كذا وطبعا اتخنقت منه جدا ورحت سألت الدكتور بتاعنا عن هوه لازم اكون عارفه اللوحة بتاعتى دى بتدل على ايه انا برسم ومش ببقي عارفه اللوحة اللي هرسمها اصلا هتبقي عاملة ازاى الدكتور بتاعى قالي انى انا رسامه موهوبه بجد اما الاخ التاني اللي عمال يقول انا رسمتى بتدل على كذا وكذا قوليله انه مش موهوب من الاصل .

هبقي اكملكوا حكاياتى في معرض الرسم اصل حصلت حاجات كتير ...